اعرف الفرق بين الدريل السلكي والدريل البطارية

شارك المقال

الدريل أو (المثقاب) من الأدوات التي يجب ان تكون بين أهم الأدوات و العدة المنزلية وايضاً الاحترافية ، وانت قررت انك تشتري دريل لأنك تعرف أهمية الحصول على معدات الصيانة الأساسية في بيتك بس يمكن مابش عندك فكرة ماهو الفرق بين الدريل أبوسلك والدريل البطارية المحمول وأين احسن لك .

في هذا المقال نقدم لك بعض المعلومات عن النوعين عشان تعرف الفرق

بكل بساطة الفرق بين الدريل السلكي والدريل البطارية ان السلكي يحتاج فيش كهرباء قريب منه توصله به اما دريل البطارية يكفي تشحن بطاريته وتستخدمه في أي مكان .. لكن ماهو الفرق في المميزات الأخرى .

 نوضح لك :

أولا ً الحجم والوزن: الدريل اللاسلكي ( أبو بطارية ) أكبر واثقل في الوزن من الدريل السلكي بسبب وزن البطارية ،طبعا عند المقارنة بنفس الفئة و القوة .

يعني قد يكون عندك اثنين دريلات بنفس القوة والقدرة واحد بسلك والثاني بطارية، فسيكون الدريل البطارية اثقل ولو هو بنفس القوة وهذا بسبب وزن البطارية.

اما القوة: فالدريل (المثقاب) السلكي أقوى في حالة العمل المستمر والاعمال الذي تحتاج شغل متواصل وتقدر تشتغل به لفترة طويله بدون توقف ، اما الدريل البطارية غالباً تحتاج الى تغيير البطاريات لتستمر لفترة طويلة ، و مع تطور تقنيات البطاريات فقد به شركات بتصنع دريلات قدراتها جيدة ، لكن مازال الدريل السلكي يأتي بفئات اقوى.

وبالنسبة للعمر الافتراضي للبطارية: فأي بطارية في العالم لها عمر محدود، وايضاً تحتاج تشحنها كل مرة قبل الاستخدام ، ونفس الشيء ينطبق على بطارية الدريل ، و ايضا مع تطور تقنيات البطاريات فقد تطورت قدرات وسعه البطاريات فتعطيك فترات أطول و بشحن أسرع.

وبالنسبة للسعر : فالدريل البطارية يكون اغلى من الدريل السلكي ( والاثنين من نفس الفئة والقدرة ) ، لكنه يتميز بأنه سهل الحمل والاستخدام.

قبل ما تشري خلي في بالك عدة أمور نذكر لك أهمها :

1 ـ  قارن بين الأسعار.. لأن أسعار الدريلات تفرق بشكل كبير، فحدد كم هي ميزانيتك وماهي اعمالك عشان تختار الذي يناسبك.

2- كيف سيكون استخدامك للدريل : تقريباً كم عدد المرات التي ستستخدمه فيها في الأسبوع او في الشهر، لان الدريل أبو سلك عيكون افضل لك اذا كنت عتستخدمه كثير وبشكل متواصل، لان بطاريات جميع الأدوات لها عمر افتراضي وبعده تنتهي أي بطارية مع كثر الاستخدام .

3- كم الوقت الذي تحتاجه في العادة لتنجز عملك بالدريل : فإذا كنت تحتاج عادةً إلى استخدام الدريل لمدة ساعة أو أقل فقط، فالدريل أبو بطارية عيكون مناسب لك .

4ـ كم وقت تحتاج لشحن البطارية : انك تعرف كم تحتاج البطارية وقت عشان تشتحن هذا ايضاً موضوع مهم، لانه اكيد انك مش ممكن تنتظر ساعتين مثلاً في نص العمل وانت منتظر تتعبئ البطارية، واعمل في حسابك قيمة شراء بطارية احتياطية إضافية وانت بتحدد السعر الذي عتشتري به الدريل عشان تستخدم واحده في العمل والثانية تشتحن .

ملاحظة بخصوص البطارية

قبل الشراء  اتأكد قبل ما تشتري الدريل أبو بطارية ان السعر يشمل قيمة البطارية لأن بعض الشركات تبيع البطارية لحالها والجهاز لحاله .

5- بالنسبة للدريل السلكي اهتم بنوع السلك وطوله : قبل ما تشتري الدريل السلكي قارن أطوال الأسلاك، وحتى ولو كنت عتستخدم توصيلة سلك كهربائية خارجية مع السلك الأصلي للدريل، لكن السلك الاساسي الطويل يكون افضل وربما ما تحتاج تستخدم توصيلة إضافية في اغلب الاوقات.

و اذا اعمالك خارجية ابحث على الاسلاك التي تصنف بأنها اسلاك استخدام خارجي ( اي أنها لا تتأثر بالشمس و العوامل الخارجية ) .

نصيحة :

مش بالضرورة انك ما يكون معاك إلا دريل واحد  إما دريل أبو بطارية او  دريل أبو سلك، لا .. الافضل انه يكون معاك دريل أبو سلك للعمل المكثف والطويل، ويكون معاك دريل ثاني أبو بطارية للاعمال التي فيها حركة او تنقل ، و ايضا ستحتاج دريل دقاق (مطرقه) او هيلتي لخزق الخرسانة و ايضا للتكسير.

شارك المقال

اترك ردّاً

لن يتم نشر عنوان بريدك الإلكتروني. الحقول الإلزامية مشار إليها بـ *